نصايح لحديثي التخرج

نصايح_حديثي_التخرج
مرحلة_الامل_والطموح

اي نعم مرحلة الدراسه والكليه من اهم المراحل اللي علمتك الاساس ،،، عمقت جواك ال Sense كمهندس😉
لكن انت مخلصتش تعليم بانتهاء مرحلة الدراسه انت لسه هتبدأ تتعلم 
هتتعلم الحياة 💪 ودي صعب تلاقيها ف اي مدرسه او جامعه 
دي هتيجي بسنين الخبره والتعامل مع كافة الطبقات سواء مديرين ،، مهندسين ،، مقاولين ،، ملاك ،، مشرفين ،، صنايعيه ،، موردين ..

خد بقي شوية النصايح دي بدل ماتنصدم بالواقع العملي اللي هيخليك تشيب وانت لسه متخرج يابشمهندس😘

• لو لسة متخرجتش نصيحة مني اقرأ كتييييير اوووي في شغل التنفيذ سواء هيكل خرساني او تشطيبات لانة دا هيفيدك جدا اول ماتنزل الموقع ويديك احساس بالثقة وعشان كدة اعمل Follow لــ م/ محمد الطنوبي & م/ محمد ريحان وتابع كل معلوماتهم القيمة جدا جدا ولو حابب اصلا التنفيذ اتفرج ع كورسات اونلاين كتير زي كورسات المهندس محمد لطفي سنبل .. ولو عايز تاخد كورسات ،، البلد مليانه ناس خبره كبيره ف التنفيذ زي 👍👍
م/ حسن فنديل & م/ مصطفي عفيفي & م/ وائــل عبد المنعم & م/ محمد معوض

• لازم تدخل التنفيذ 👌عشان تتعلم وتفهم ازي تصمم او تحصر او تسعر بنود الاعمال لازم تنزل الموقع بنفسك وتشوف التنفيذ يابشمهندس ايا كان التخصص اللي بتحبه سواء تصميم او مكتب فني ..

• اما لو طالبه معاك تصميم يبقي اثناء فترة شغلك ف التنفيذ حاول تتعلم كورسات م/عمر عبد العزيز .. م/ عمر مجدي نوفل .. م/ عمرو ربيع .. م / محمود هريدي ,,, وفية ناس كتير طبعا عمالقة ادخل ودور ع اليوتيوب 👍👍 ... وخلال سنتين تلاتة تنفيذ ممكن تشتغل ف التصميم بقي زي ماانت عايز ..

• متفكرش تشيل شغل مفاولات وانت لسة متخرج خليها ع الاقل " سنتين تلاتة " عشان حاجة زي دي محتاجة خبرة شوية ودراية بكافة تفاصيل الشغل عشان تعرف تتفق وتعرف تتعامل مع الصنايعية ,, وتعرف تستلم منهم الاعمال وتعرف تسلمها للاستشاري لو موجود ..

• لازم يبقي ليك مشروعك الخاص ( بس لازم تبقي مؤهل كويس اووي انك تديرة 👊💪) بجانب شغلك ف شركة او مكتب كمهندس يعني ,, لان للاسف لو اعتمدت ع الراتب مش هتعرف تعيش اصلا .. مابالك بقي لو عايز تتجوز وتفتح بيت واسرة وتلبي كافة طلباتهم واحتياجاتهم ..

• متقولش انا مهندس مدني فمليش في شغل التشطيبات ,,, او انا مهندس معماري فمليش في شغل الخرسانات .. عشان تبقي عارف المهندس في بلدنا لازم يبقي عارف كل حاجة عشان تعرف تلاقي فرص اكتر وافضل ..

• جوا الشغل متقولش رأيك غير لما ينطلب منك خليك ماشي بمبدأ " من تدخل فيما لا يعنية،، سمع مايسد نفسة " حتي لو مصيبة قدامك بتحصل متتكلمش غير لما تتسأل.. اول ماتتسأل قول الحل اللي نفسك تقولة ،، غير كده اسمع مني هتندم 😉

• خلي دايما اجابتك ع قد السؤال وخصوصا لما تتسأل من المالك ,, الاستشاري ,, مدير المشروع ,, او حتي مديرك المباشر ف الموقع .. عشان هو دا المطلوب ف الشغل اجابات واضحة ومحددة ع قد السؤال ( الهري الكتير ملوش لازمة بيوقعك ف غلط 🤫)

• احتك واتعامل مع كل الناس بس بمنتهي الحرص الداخلي اللي مايظهرش عليك عشان اللي قدامك ميحسش انك بتخوونة اصل اساس شغلنا كسب العلاقات عشان تبقي عارف مش خسارتها ..

• وانتي ماشي في الموقع عينيك ع كل حاجة واسأل نفسك اتعملت ازاي 🤔 ,, وتابع ترتيب بنود الاعمال وتبقي عارفها كويس اووي عشان قبل ماتخلص بند معين تكون بتجهز للي بعدة ..

• حاول دايما تبقي ع دراية باسعار الخامات في السوق قدر الامكان ,, واحتفظ بكل ارقام الموردين والصنايعية والعمال وكن ع اتصال دائم📞مع الموردين لمعرفة الاسعار اول بأول ..

• لو حد احتاج خدمة منك في اي وقت وخصوصا في شغل الموقع وانت تقدر تقدمها متتأخرش ,, لانك ممكن تتحط في نفس الموقف ووقتها هتلاقي اللي يساعدك 🤲

• " كل شيخ ولية طريقة " يعني باختصار خلي ليك طريقتك واسلوبك في الشغل والتعامل مع كافة الطبقات يعني كل واحد ولية طريقة تعاملة بيها ,, متتعاملش بطريقة واحدة مع الكل عشان هتتعب صدقني 😨

• واخيرا حتة شخصية بقي ,, مترتبطش غير لما تحس انك جاهز بنسبة تعدي 80 % عشان متحسش بالضغط في كل امور الحياة وبالتالي يأثر علي شغلك بالسلب طبعا ..

• ابعد حياتك الخاصة عن شغلك عشان دول محورين مختلفين✌️ لازم يمشوا مع بعض ع التوازي متجيش واحدة ع حساب التانية ,, يعني جوا الشغل انسي البيت ,, وجوا البيت انسي الشغل ...دا مفيد جدا ليك ولصحتك ولتركيزك 

مهندس محمد صلاح