لما تيجي تستلم البؤج
الاول بتستلم البؤج السفلية وبتشوف مقاساتها بالنسبة للاكس متساويه ولا لا ،،، فبتستلم اول بوجة ع مسافه كام من الاكس واخر بوجة ع نفس المسافة من الاكس ،،، وبعدين تشد عليهم خيط مماس وتشوف البؤج كلها مماسه للخيط ولا لا...
بعد كده بتشوف الزوايا بتاعة الاركان مظبوطه ولا لا باستخدام القده والزوايه...
ثانيا بتبدأ توزن البؤج العلوية مع البؤج السفلية بميزان خيط ،،، وللتسهيل بتوزن اول واخر بوجة وتشد عليهم خيط مماس وتشوف باقي البؤج مماسة للخيط ولا لا...
خلي بالك البؤج هي اللي بتستلم عليها حلوق النجارة ( زفرة او عاديه) وعلب الكهربا واللوحة الرئيسية للكهربا ...
الحمام والمطبخ لازم تعمل فيهم بؤج للحوائط حتي لو هتبقي سيراميك عشان تركب علب الكهربا وعشان تجس الحيطة وتشوف سمك مونة السيراميك هتوصل لكام سم من خلال سمك البؤجة ...
اليكم الشرح بالصور
ليست هناك تعليقات:
إرسال تعليق