التأكيس

نكمل معا شغل المحاره الخا بالتشطيبات
عشان تشتغل صح، ، لازم تشد خيطان تشتغل منها البؤج بتاعتك ودا اللي بيسموة التأكيس

وقتها عندك طريقتين✌️
اما تشتغل بجهاز التوتال ووقتها هترمي اكسين متعامدين الزاوية بينهم 90 درجة
او تاخد offest من حائط وتاخد offest تاني من حائط عمودي عليه وبعدين تزويهم بنظرية فيثاغورث او بزاوية ووتتاكد انهم بيعملوا زاوية 90 درجه ... صورة 1 & 2
طب اختار الحائط دا ازاي؟! 🤔
ف الغالب بشتغل من حائط الطرقة لو موجوده عشان تسلم منه للغرف بتاعتك
ويلية حوائط الواجهه ممكن اشتغل منه لو حيز مفتوح
المهم انك تزوي الخيطان قبل ماتشتغل منهم ..
طب هشتغل ازاي؟!
هتشتغل بانك تعمل بؤجة 2سم ع حائط الطرقة وتشوف مقاسها من الاكس كام وتعمل زيها ع الحائط كل 3 م بنفس المسافه من الاكس ... صورة 3 & 4
وبعد كده بتنقل البؤج في اعلي الحائط بميزان الخيط ,, وكمان عند فتحات الابواب ... صورة 5
وبعدين عشان ادخل الغرفه باخد بوجه ع حائط الباب من جوا واظبط التعريض بتاع الحائط عند فتحة الباب ببؤجة فوق وتحت وانقلهم ع باقي الحيطة من جوا ... صورة 6 & 7& 8
بس الاهم بقي انه يكون الخيط العمودي ع الطرقة معدي من فتحات الابواب عشان هتلقط منه البؤج بتاعتك ف الاتجاة الاخر للغرفة
وبتسلسل بالتعريض والخيط لباقي الغرف ..