الطرطشه

قبل ماتبدأ رش طوب المباني بالمية لمدة 3 أيام 👌.. دا افضل عشان الطوب بيشرب مية المونة ..

في الغالب محتوي اسمنت الطرطشة بيكون 450 كجم لكل متر مكعب رمل يعني 9 شكاير اسمنت للمتر (وطبعا بيكون ع حسب التوصيف ف المقايسه)..حاول دايما تخلي الطرطشة بالطالوش لان ده بيكسبها قوام لزج محبب مسنن ،، لان المبيض ف الغالب بيستسهل ويعملها بالكوز ودا مرفوض تماما عشان السيولة بتاعتها بتبقي عالية وللاسف كل حبيبات الرمل والاسمنت بتكون ف قاع التكنة اللي مقلب فيها الخلطة..
سطح الطرطشة كل ماكان خشن كل ما بيبقي افضل للمحارة 👍

محتوي اسمنت البياض بيكون 300 كجم لكل متر مكعب رمل يعني 6 شكاير اسمنت للمتر
كل ماكانت المحارة ناعمة وسطحها راسي تماما متاخدش منك معجون كتير في الدهانات 
لازم ترش المحارة فترة لاتقل عن 3 أيام وزيهم للطرطشة ممكن تزيد لكن تقل لأ 👌

اماكن التقاء الحوائط مع الاعمدة او الكمر واماكن خراطيم علب الكهربا بنحط فيها سلك شبك مجلفن لمقاومة الشروخ 
سوك الاعمدة ممكن تستخدم فيها زوايا معدنية ( فرسبيكو ) او زوايا فيوتك
حوائط الحمام او اي مكان هتركب فية سيراميك بتعملة بؤج وطرطشة بس 🤔

خلي بالك متحاولش تبدأ دهانات لمدة لاتقل عن 3 أسابيع عشان الرطوبة ,, ولو الشمس تدخل المكان يبقي افضل 
اوعي تستخدم جبس في المحارة ابداً عشان الصنايعي بيحبة لانة بينجز لة الشغل بتاعة